"POIESIS": blog das linguas

Neste curso 2022-2023 o alumnado de 1º ESO A e 1º ESO C entrevistou ás avoas como paso previo para logo redactar o relato destas vidas que tanto nos ensinan sobre estas loitadoras ás que todo lles debemos. As biografías que resultaron desta actividade deseñada na materia de Lingua Castelá e Literatura ben merecen os nosos parabéns. Son narracións apaixoantes e de lectura ben amena. Algúns dos relatos constitúen, mesmo, unha sentida homenaxe da neta á avoa. E, por sorte, algunha alumna puido entrevistar á súa bisavoa! En fin, unha experiencia emotiva para netos/-as, avoas e profesora. Aquí vos quedan varios botóns de mostra pero son máis as creacións que merecerían atoparse neste obradoiro do blog:   "Mi bisabuela Matilde" Todos la llaman Tilde y nació el 4 de marzo de 1936. Actualmente tiene casi 86 años. Vino al mundo en O Viso, mejor dicho en casa de su madre. Su padre se llamaba Jose y era chófer y mecánico, mientras que su madre María Teresa era ama de casa. Recuerda que ...

Nace unha nova sección que pretende dar a coñecer eses traballiños orixinais que sodes quen de crear sen que ninguén vos guíe, tan só as musas inspiradoras. Nesta ocasión arrancabamos cun inicio e había que inventar a historia a partir do que esas únicas liñas suxeriran. O alumnado de 1º ESO A e 1º ESO C resolveu na proba do exame trimestral este exercicio de expresión escrita na materia de Lingua Castelá e Literatura. A obra á que pertence o fragmento elixido forma parte da novela Detrás de las ventanas encantadas. Una misteriosa historia de Adviento da autora alemana Cornelia Funke.     Fuera oscurecía y continuaba nevando. Julia, sentada en la repisa de la ventana miraba hacia el exterior. Deseaba salir al jardín a jugar con la nieve un rato, mas no podía ya que sus padres decían que podía ponerse peor. Julia estaba enferma hacía más de una semana y no entendía por qué no se curaba de una vez. Llevaba sin ir a clase muchos días, extrañaba jugar con sus amigos... Sus padre...

Nesta materia de libre configuración, que o alumnado de 2º ESO cursa segundo o curriculum LOMCE, hai que recoñecer que nunha única hora semanal de clase imos dando pequenos pasos que axuden a mellorar a comunicación oral do alumnado na súa faceta expresiva.  No arranque do curso as tarefas foron sinxelas pero, xa no remate do trimestre, houbo que resolver unha exposición oral sobre tema libremente elixido dunha listaxe na que tamén facilito a estrutura da intervención. É, pois, todo un reto porque, trala busca de información, hai que organizala, aprendela e, finalmente, actuar ante os compañeiros/-as alomenos durante catro minutos.  Velaquí deixo, pois, dúas mostras: Uxía Freire Muíños (2º ESO C) fala sobre os gatos; Sabela Piedras Arca (2º ESO B), sobre a práctica dun deporte moi redondelán como o remo. Na imaxe podes admirar un cadro do pintor e litógrafo amante deses mininos: o francés finisecular Théophile Alexandre Steinlen.    Para que poidas apreciar a evol...

Azul ou rosa? Na materia de Oratoria de 2º de ESO tocaba enfrontarse a unha breve intervención oral arredor dun mito. A selección de personaxes, tanto masculinos como femininos, era variada pero a condición estaba clara: se eras alumno, tarxeta azul con personaxe feminino; se eras alumna, tarxeta rosa con personaxe masculino. Este exercicio procura tanto a búsqueda autónoma de información, aínda que a estrutura coas pautas que guían é facilitada pola profesora, como a mellora da expresión oral do alumnado. Podes ollar a seguinte selección de vídeos que dan conta do bo traballo desenvolvido polo alumnado: a Uxía Freire Muíños (2º ESO C) tocoulle falar de Ícaro e a Breixo Díaz Álvarez (2º ESO C), de Pandora. O cadro é do pintor renacentista florentino Sandro Boticelli, "O nacemento de Venus".

Durante o primeiro trimestre e na materia de Lingua Castelá e Literatura, tanto o alumnado de 1º ESO A como o de 1º ESO C viviron o reto de realizar unha breve intervención oral ante os compañeiros e as compañeiras para comentar unha lectura que lles tivese deixado fonda pegada.  Durante o tempo estipulado de intervención oral tiñan que presentar a obra, aportar información sobre o autor/-a, aclararnos o desenrolo da historia, elixir a un personaxe e caracterizalo e, por último, brindar unha sincera valoración da súa lectura así como ler unha breve pasaxe. Pois ben, son moitos os traballos pero de entre eles vouvos destacar os de tres alumnos/-as: Pablo Boullosa Alonso e Raquel Bouzón Teles de 1º ESO A; e Omar Martínez Dopazo de 1º ESO C.   O retrato que podes admirar é do pintor rococó francés Jean-Honoré Fragonard, "A lectora".  

Co obxectivo de aproveitar ao máximo os recursos do centro, na materia de Lingua Castelá e Literatura o alumnado de 1º de ESO A aventurouse na radio para contar en que consistiran as actividades postas en marcha na Biblioteca do instituto na mañán do luns 24 de outubro e así conmemorar o día grande das Bibliotecas e, de xeito especial, da Biblioteca Escolar por primeira vez na historia desta data significativa. É este un xeito máis de vencellar facetas distintas na vida diaria do instituto.  Uxía Barreiro, Naia Boullosa, Hugo García e Pablo Boullosa explicaron na radio as actividades desenvolvidas polo equipo da Biblioteca do IES Mendiño; Sofía Darroza, Thiago Pérez, Marta Barreiro e Luna Regueiro aclaran a historia da data, os organismos implicados na celebración e outros detalles ben interesantes como podes comprobar neste enlace á radio do centro .