"VALLE-INCLÁN, ÍNTIMO" II

O luns 27 de marzo, Día Mundial do Teatro, o alumnado de 4º de ESO viaxou a Santiago de Compostela en compaña das profesoras Laura Pérez Vilas, Aida Pérez Martínez e Catalina Míguez Vilas, encargada da organización desta actividade.
Nunha sesión de Lingua Castelá e Literatura houbo tempo para falar sobre Valle-Inclán, consultar materiais variados (catálogos doutras exposicións, edicións facsimilares, retratos, cubertas dos libros, etc.), ollar o tríptico sobre a súa vida e a súa obra, escoitar a voz do autor, ver os vídeos explicativos dos comisarios da exposición...

A visita iniciouse ás 11.00 horas no Colexio de Fonseca: mentres o grupo de 4º ESO A, acompañado pola profesora Laura, admiraba a Biblioteca América grazas á explicación da guía que amosa o rico patrimonio da USC, os grupos de 4º ESO B e C xunto coas profesoras Aida e Catalina supervisaban a actividade de búsqueda de información na exposición sobre Valle-Inclán nos tres espazos destinados a dar a coñecer a faceta máis íntima do escritor galego: no salón do artesonado, na capela gótica e na sacristía. Logo, intercambiamos espazos e tarefas para, finalmente, coincidir novamente todos e todas na exposición.

O comportamento do alumnado e o grao de interese mereceron os eloxios das tres docentes, de aí o premio simbólico de tempo libre ata que ás 13.00 horas nos xuntamos na praza de Praterías.

A terceira visita era moi especial xa que foron precisas varias xestións tanto coa directora da Biblioteca da Facultade de Historia como co decanato desta Facultade. Pagou a pena pois as caras de asombro deron conta do deslumbramento do alumnado ante unha das xoias da Universidade de Santiago de Compostela.

En fin, polos comentarios do alumnado cando ás catro e media tivemos que abandonar a cidade de pedra parece ser que precisaban máis tempo para disfrutar dunha fermosa xornada de primavera. 

Por se vos interesa, o SERVIMAV da USC elaborou este vídeo sobre a exposición que foi clausurada hai uns días:

Localización: Galicia, España

Comentarios

Publicar un comentario

Publicacións populares deste blog

AS EXPOSICIÓNS EN 1º DE ESO

Imaxe
Novamente foi durante o terceiro trimestre cando o alumnado de 1º de ESO A e C tivo que desenvolver unha indagación informativa arredor dun tema e, logo, dar a coñecer o produto final falando fronte aos seus compañeiros e compañeiras de clase. Traballamos, deste xeito, a oratoria desde a materia de Lingua Castelá ao tempo que aprendemos e rompemos coa rutina diaria porque cada alumno e cada alumna acaba convertido en mestre. Marta Barreiro Pérez (1º ESO A) elixiu o tema dos golfiños; Luna Regueiro Vuelta (1º ESO A) falounos da patinaxe; Raquel Bouzón Teles (1º ESO A) ilustrounos arredor das ninfas; e Paula González Mirou (1º ESO C) preferiu o fútbol sala. O cadro elixido de Pierre-Auguste Renoir leva por título "Patinadores no Bois de Boulogne".  
Ler máis »

PINTURAS CON PALABRAS

Imaxe
  En 1º de ESO A e C aprendemos que  o texto descritivo é, verdadeiramente, unha pintura pero con palabras.  E, que mellor práctica creativa que achegármonos ás máis importantes creacións pictóricas para escribir as nosas subxectivas pinturas con palabras. Velaquí vos deixamos unha escolma brevísima pois nos derradeiros días lectivos o interese xa non era o mesmo e o cansancio pesaba moito... Na imaxe elixida admiras "La dama del armiño" pintada por Leonardo da Vinci e que, logo, nos describe Sofía Darroza Villar.
Ler máis »

GREGUERÍAS DE 4º DE ESO

Imaxe
  Logo de ter estudado as vangardas, que mellor obradoiro que converternos en autores e autoras de greguerías. O noso modelo indiscutible foi o xenial escritor madrileño Ramón Gómez de la Serna, prolífico autor que definiu as súas chispeantes creacións como suma de metáfora e humorismo. Pois ben, o alumnado de 4º ESO A e C convida a ler e a disfrutar das súas brillantes greguerías. O retrato de Gómez de la Serna pertence ao pintor mexicano Diego de Rivera, quen en 1915 así o retratou desde os postulados cubistas.
Ler máis »