OS VIDEOPOEMAS EN 4º DE ESO

Este curso 2022-2023 as creacións audiovisuais con formato de videopoema sorprenden pola calidade das lecturas dramatizadas e pola orixinalidade de varios traballos entregados polo alumnado dos tres grupos de 4º de ESO na materia de Lingua Castelá e Literatura.

A escolma pretende dar conta da valía dalgunhas destas producións, mais cómpre salientar que varios videopoemas máis tamén merecerían un espazo neste blog.

Ángela Freire Muíños (4º ESO A) preparouno a partir dun poema de Luis García Montero; Carmen Abal Fontán (4º ESO B) elixiu a Pablo Neruda; Nayra Tilve Castro (4º ESO A) creou o seu traballo cun poema de Claudio Rodríguez; Lara Blas Piñeiro (4º ESO B) achegouse a José Hierro; e Alicia Bastos Gallego (4º ESO C) preferiu ao poeta J. A. Fernández:

Localización: Galicia, España

Comentarios

Publicar un comentario

Publicacións populares deste blog

MULLERES: PERIGOSAS e EN PERIGO

Imaxe
Berraba Santa Catalina de Siena: "¡Basta de silencios! ¡Gritad con cien mil lenguas! porque, por haber callado, ¡el mundo está podrido!". Xa vedes pola data desta entrada que o silencio foi prolongado pero ímolo romper con forza e da man das mulleres. No IES Mendiño abrimos exposición arredor das creadoras silenciadas, dos estereotipos inventados polos homes, das vítimas do patriarcado...  A nosa iniciativa xorde grazas ao "savoir faire" da profesora de Relixión, Almudena Suárez Cerviño, quen trouxo ao instituto unha proposta moi interesante co obxectivo de visibilizar ás que a historia anulou ao longo dos séculos. A súa iniciativa foi magnificamente acollida desde a Consellería de Educación e foi ela a coordinadora do Proxecta durante o curso 2022-2023. Aquí vos deixo tanto a exposición dividida, como comprobaredes, en dúas seccións: "mulleres perigosas", "mulleres en perigo". Tamén podedes acceder ao folleto que permite resolver a actividade AL...
Ler máis »

OPINA 1º DE BACHARELATO

Imaxe
A solvencia coa que o alumnado de 1º de Bacharelato resolveu dúas prácticas de comentario crítico durante o curso 2023-2024 ben merece un oco neste blog. Os dous textos elixidos foron os da proba ABAU na convocatoria de xuño de 2018 e, como poderedes comprobar, os asuntos plantexados distaban bastante entre si. Como ben sabemos, os seres humanos aprendemos entre nós e este mecanismo de mellora entre iguais dá froitos excepcionais.  Animádevos, pois, a ler con calma e reciclade moitos dos recursos aproveitados polos vosos compañeiros e compañeiras. En cada un dos arquivos poderedes ler os textos orixinais de Ana Merino e de Andrés Trapiello, que propiciaron os comentarios críticos.   
Ler máis »

CLUB DE LECTURA EN 1º DE ESO

Imaxe
Durante o primeiro trimestre e na materia de Lingua Castelá e Literatura, tanto o alumnado de 1º ESO A como o de 1º ESO C viviron o reto de realizar unha breve intervención oral ante os compañeiros e as compañeiras para comentar unha lectura que lles tivese deixado fonda pegada.  Durante o tempo estipulado de intervención oral tiñan que presentar a obra, aportar información sobre o autor/-a, aclararnos o desenrolo da historia, elixir a un personaxe e caracterizalo e, por último, brindar unha sincera valoración da súa lectura así como ler unha breve pasaxe. Pois ben, son moitos os traballos pero de entre eles vouvos destacar os de tres alumnos/-as: Pablo Boullosa Alonso e Raquel Bouzón Teles de 1º ESO A; e Omar Martínez Dopazo de 1º ESO C.   O retrato que podes admirar é do pintor rococó francés Jean-Honoré Fragonard, "A lectora".  
Ler máis »