CARTA AOS LECTORES/-AS

 Benvidos/-as a "POIESIS": blog das linguas.

A palabra poiesis en grego significa creación, produción. Como este blog está pensado para que o alumnado do IES Mendiño de Redondela dea renda solta á súa creatividade, o título non lle acae nada mal. 

Estades, pois, convidados/-as a participar coas vosas creacións, escritas ou orais, na lingua ou nas linguas que prefirades. Non esquezades que a vida é un xogo no que estamos a participar ata que a partida remate: as palabras e o coñecemento fan que o camiño sexa máis pracenteiro.


 ("Ruptura" de Remedios Varo)

Localización: Galicia, España

Publicacións populares deste blog

AS EXPOSICIÓNS EN 1º DE ESO

Imaxe
Novamente foi durante o terceiro trimestre cando o alumnado de 1º de ESO A e C tivo que desenvolver unha indagación informativa arredor dun tema e, logo, dar a coñecer o produto final falando fronte aos seus compañeiros e compañeiras de clase. Traballamos, deste xeito, a oratoria desde a materia de Lingua Castelá ao tempo que aprendemos e rompemos coa rutina diaria porque cada alumno e cada alumna acaba convertido en mestre. Marta Barreiro Pérez (1º ESO A) elixiu o tema dos golfiños; Luna Regueiro Vuelta (1º ESO A) falounos da patinaxe; Raquel Bouzón Teles (1º ESO A) ilustrounos arredor das ninfas; e Paula González Mirou (1º ESO C) preferiu o fútbol sala. O cadro elixido de Pierre-Auguste Renoir leva por título "Patinadores no Bois de Boulogne".  
Ler máis »

PINTURAS CON PALABRAS

Imaxe
  En 1º de ESO A e C aprendemos que  o texto descritivo é, verdadeiramente, unha pintura pero con palabras.  E, que mellor práctica creativa que achegármonos ás máis importantes creacións pictóricas para escribir as nosas subxectivas pinturas con palabras. Velaquí vos deixamos unha escolma brevísima pois nos derradeiros días lectivos o interese xa non era o mesmo e o cansancio pesaba moito... Na imaxe elixida admiras "La dama del armiño" pintada por Leonardo da Vinci e que, logo, nos describe Sofía Darroza Villar.
Ler máis »

GREGUERÍAS DE 4º DE ESO

Imaxe
  Logo de ter estudado as vangardas, que mellor obradoiro que converternos en autores e autoras de greguerías. O noso modelo indiscutible foi o xenial escritor madrileño Ramón Gómez de la Serna, prolífico autor que definiu as súas chispeantes creacións como suma de metáfora e humorismo. Pois ben, o alumnado de 4º ESO A e C convida a ler e a disfrutar das súas brillantes greguerías. O retrato de Gómez de la Serna pertence ao pintor mexicano Diego de Rivera, quen en 1915 así o retratou desde os postulados cubistas.
Ler máis »